Wakuu wa Wilaya na Watendaji Katika Halmashauri za Mkoa wa Kigoma watakiwa kushughulikia Migogoro ya Wakulima na Wafugaji

Wakuu wa Wilaya na Watendaji Katika Halmashauri watakiwa kushughulikia Migogoro ya Wakulima na Wafugaji

Mkuu wa Mkoa wa Kigoma Mhe. Luteni Kanali (Mst) Issa Salehe Machibya amewaagiza Wakuu wa Wilaya za Mkoa wa Kigoma pamoja na Watendaji wa Halmashauri kuhakikisha wanashughulikia migogoro kati ya wakulima na wafugaji inayojitokeza katika maeneno yao kwa haraka ili kuepusha majanga makubwa yanayoweza kusababishwa na migogoro ya aina hiyo.

Kanali machibya ametoa maagizo hayo mapema wiki hii Wakati akihitimisha kikao cha dharura cha Kamati ya Ushauri ya Mkoa kilichofanyika katika Ofisi ya Katibu Tawala wa Mkoa wa Kigoma, kikao hicho kiliitishwa kwa nia ya kupokea na kujadili Taarifa za ugawaji wa maeneo mapya ya Kiutawala yaliyoongezeka katika Halmashauri na Manispaa ikiwemo Vijiji, Vitongoji, Mitaa Kata , Tarafa,na Miji.

Amesema kuwa baadhi ya wafugaji wamekuwa wakiwanyanyasa wakuli kwa kutumia peasa zao hali hii inaleta manyanyasa na manung’uniko kwa wakulima “ nawaomba sana mkalishughulikie tatizo hili kwa haraka kwani nyie ndio watendaji wakuu katika maeneo yenu tusisubiri kamati ya bunge kuja kuchunguza Wakati sisi ndiyo tunaokaa na wananchi” alisisitiza Mkuu wa Mkoa.

Aidha baadhi ya wajumbe walishauri kuwa maeneo ya serikali, hifadhi za Taifa yasiruhusiwe kuingizwa kwenye maeneo mapya ya vijiji ili kuondoa migogoro ya wananchi na seikali, hivyo uanzishwaji wa maeneo mapya usiingiliwe na siasa chafu za kuwadanganya wananchi kujichukulia sheria na kuingilia hifadhi za Taifa.

Akihitimisha kikao hicho Mkuu wa Mkoa aliwataarifu wajumbe kuwa kikao kijacho cha Kamati ya Ushauri ya Mkoa kutakuwa na shughuli ya kuanza mchakato wa kukusanya fedha za kujenga jengo jipya la Idara ya Wagonjwa wa nje "Out Patients Department" (OPD). zoezi hili lienndana na kufanya harambee kwa wajumbe wote wa kikao.

Mwenyekiti wa Halmashauri ya Wilaya ya Kasulu Mh. William Luturi akichangia hoja wakati wa majadiliano katika kikao cha Kamai ya Ushauri ya Mkoa kilicho fanyika mapema wiki hii katika Ofisi ya Mkuu wa Mkoa Kigoma.

Mkuu wa Mkoa wa Kigoma Mh. Luteni Kanali (mst) Issa Salehe Machibya akisisitiza jambo wakati wa kufunga kikao cha Kamati ya Ushauri ya Mkoa wa Kigoma mapema wiki hii.

Picha zote na Gabriel D. Ng'honoli- Afisa Habari wa Sekretarieti