Mkuu wa Mkoa awaomba wananchi kupisha Upanuzi wa Uwanja wa Ndege Mkoani Kigoma

Mkuu wa Mkoa wa Kigoma Mhe. Issa Machibya na Naibu Mstahiki Meya wa Manispaa ya Kigoma /Ujiji Mhe. Iddi Ruhomvya  wakikagua moja ya nakala ya malipo ya mwananchi aliyeathirika na upanuzi wa uwanja wa Ndege, malipo hayo yanadaiwa kuwa hayalingani na thamani ya mali za wanchi.

Wananchi wa walioathirika na upanuzi wa Uwanja wa Ndege wa Mkoa wa Kigoma wakimsikiliza Mkuu wa Mkoa wa Kigoma wa kigoma (hayupo pichani) alipokuwa akiwahutubia katika eneo la Kata ya Machinjioani Manispaa ya Kigoma/Ujiji

Mkuu wa Mkoa wa Kgoma Mhe. Luteni Kanali (Mst) akiandika hoja mbalimbali zilizokuwa zikitolewa na wananchi wa kata za Machinjioni na Majengo walioathirika na uapnuzi wa Uwanja wa Ndege wa Kigoma, kushoto kwake ni Naibu Mstahiki Meya wa Manipsaa ya Kigoma /Ujiji Mhe. Iddi Ruhomvya.

Mkuu wa Mkoa awaomba wananchi kupisha Upanuzi wa Uwanja wa Ndege Mkoani Kigoma

Baada ya kusimama kwa takribani miezi 8 kwa shughuli za  Upanuzi wa Uwanja wa Ndege Mkoani Kigoma, Mkuu wa Mkoa wa Kigoma Mhe. Luteni Kanali Mstaafu Issa Machibya ameitisha Mkutano na wananchi wa kata za Machinjioni , na Majengo zilizopo eneo la Manispaa ya Kigoma Ujiji kuwaomba wananchi wapishe upanuzi wa Uwanja wa Ndege.

Mkutano huu unafuatia wananchi takribani 473 walioathirika na upanuzi wa Uwanja wa Ndege kukataa kuondoka katika maeneo ya Makazi ambayo Uwanja huo utayafikia baada ya upanuzi. Kufuatia hai hii Mkuu wa Mkoa wa Kigoma amelazimika kufanya mazungumzo ya kina na wananchi wa maeneo haya ili kubaini sababu zinazowafanya wasipishe upanuzi wa Uwanja wa Ndege.

Wakizungumza kwa nyakati tofauti wananchi walisema kuwa wanatambua maendeleo yatakayopatikana baaada ya Uwanja huo kuruhusu Ndege kubwa kutua, hata hivyo walieleza kuwa hawakupisha eneo hilo kwani thamani ya malipo ya Tsh 200,000 hadi 300,000 kama fidia ya maeneo ya Makaburi ya ndugu zao pamoja na Makazi na mali hayakuwa sahihi ukilinganisha na gharama watakazozipata katika kutafuta viwanja na kujenga katika makazi mapya.

Aidha uthamini wa mali uliofanywa haukuzingatia muda na mabadiliko ya thamani ya mali na kwamba wananchi waliotakiwa kuhamishwa hawakuoneshwa viwanja mbadala watakavyoenda kujenga baada ya kupisha Upanuzi. Hivyo waliiomba serika iweze kuwatazama upya na kuwawezesha kulingana na thamani ya mali zao ndipo waweze kupisha upanuzi huo.

Mradi wa ukarabati wa Kiwanja cha Ndege cha Kigoma kwa kiwango cha rami ambao ulianza rasmi mwezi Desemba 2011 ukiwa ni mkataba wa miezi (18) uliotegemewa kumalizika mwezi Juni 2013.

Ukarabati wa Uwanja wa ndege wa Kigoma unafanyika chini ya Mkandarasi aliyepatiwa kazi hii Sinohydro Corporation Ltd ya Beijing – China na msimamizi wa Mradi akiwa Howard Humhureys (Tanzania) Ltd, Steward Scott International (SSI) na Netherlands Airport Consultant (NACO) ya Netherlands. Maboresho yaliyofanyiwa kazi hadi Desemba 2012 ni kurefusha njia ya kurukia Ndege kuelekea njia ya kurukia Ndege Namba 34 kwa mita 450 ikiwemo eneo la tahadhari (Safety zone) kuelekea njia ya kurukia Ndege namba 16. (Mita 300) na Mfumo wa maji (Drainage works) kuweka tabaka la kifusi (GS 15) katika umbali wa mita 900 za njia ya kurukia Ndege. Mradi huu ulitegemewa kuwekea lami eneo la mita 1800, na upana wa Kiwanja utaongezeka kutoka mita 30 za sasa na kuwa mita 45.

Kumalizika kwa upanuzi wa Uwanja wa Ndege Mkoai Kigoma utafungua ukurasa mpya kiuchumi kwani nchi za Burundi, Congo DRC, zitautumia Uwanja huu kama sehemu kubwa ya Usafiri na Usafirishaji. Baada ya kukamilika kwa upanuzi huu Uwanja wa Ndege wa Mkoani Kigoma utabadilishwa jina na Kuwa Gombe Mahale International Airport.

Mkuu wa Mkoa amewataka wanchi wawe na subira kwani Serikali inayafanyia uchambuzi wa kina mawazo yao na kubaini changamoto juu ya maliop ya fidia za mali zao, hata hivyo aliwaomba wapishe mradi uendelee huku Serikali ikiendelea kushughulikia matatizo yao na kwamba waendelee kuiamini Serikali kwani inawathamini wananchi wote.