Timu ya Masumbwi ya Mkoa wa Kigoma yaibuka nafasi ya Pili Kitaifa

Mwenyekit wa Timu ya Ngumi Mkoani Kigoma Bw. Eddie Kikwesha akisoma taarifa ya kukabidhi zawadi za vikombe kwa Mkuu wa Mkoa wa Kigoma. zawadi ambazo timu yake ilishinda kwenye mashindano ya kumuenzi hayati Nelsoni Mandela yaliyofanyika Jijini Dar es Salaam ambapo timu hio imeibuka mshindi wa Pili kitaifa.

Bw. Eddie Kikwesha ambaye ni Mwenyekiti wa Timu ya Ngumi Mkoani Kigoma akikabidhi vikombe vya Ushindi kwa Mkuu wa Mkoa wa Kigoma Mhe.Luteni Kanali Mstaafu Issa Machibya katika hafla ndogo ya kuipokea timu hiyo iliyofanyika katika Ukumbi wa Katibu Tawala wa Mkoa wa Kigoma

Baadhi ya Wacheza ngumi katika timu ya Mkoa wa Kigoma wakiwa katika picha ya pamoja na Uongozi wa Mkoa wa Kigoma

Mkuu wa Mkoa wa Kigoma akimpongeza Binti ambaye alishiriki katika kuiinua timu ya ngumi wakati wa mashinda ya ngumi ya kumuenzi hayati Nelson Mandela yaliyofanyika mwezi huu Jijini Dar es Salaam

 

Timu ya Masumbwi ya Mkoa wa Kigoma yaibuka nafasi ya Pili  Kitaifa

Timu ya Ngumi ya Mkoa wa Kigoma imeibuka mshindi wa pili kitaifa katika mashindano ya ngumi yaliyofanyka

 tarehe 5 Februari 2014 jijini Dar es Salaam

Mashindano hayo yalilenga kumuenzi hayati Nelsoni Mandela ambaye aliyekuwa mwanamasumbi mahiri na rais wa kwanza mweusi wa nchini ya  Afrika ya Kusini.

Akikabidhi vikombe kombe viwili vya fedha na dhahabu Mwenyekiti wa Timu ya Ngumu Mkoa wa Kigoma Bw. Iddie Kikwesha alisema vijana wapatao 10 wakiwemo wasichana 3 na wavulana 7 wamejipatia medali 9 zikiwemo medali 3 za dhahabu 4 za fedha na 2 za shaba.

Bwana Kikwesha aliongeza kuwa kati ya ashiriki kumi mshiriki mmoja Bw. Ezra Paul amechaguliwa kuungana na vijana wengine kuunda timu ya Taifa itakaoyoshiriki mashindano ya Olimpiki yatakayofanyika Mwezi Machi 2014 nchini Uturuki, smbamba na hilo washiriki wengine 9 wamchaguliwa kuingia katika timu ya taifa ya ngumu.

Kufuatia ushindi huo Mkuu wa Mkoa wa Kigoma Mhe. Luteni Kanali Mstaafu Issa Machibya amewapongeza wanamasumbi hao kwa wameuletea sifa na heshima  Mkoa wa Kigoma, naye Katibu Tawala wa Mkoa Mhandisi Dkt. John Ndunguru ametoa rai kuwa atasaidiana na wadau mbalimbali katika kukuza wigo wa michezo mbalimali ili kuuwezesha mkoa kuwa na nafasi nyingi za ushindi katka michezo pia kama njia ya kuutangaza na kuvutia wawekezaji.  

Habari na Picha zote -G.D. Ng'honoli (Afisa Habari wa RS Kigoma)