Mkuu wa Mkoa wa Kigoma Thobias Andengenye amewaonya waajiri katika Sekta za Umma na binafsi mkoani hapa kuachana tabia ya kuwanyanyasa watumishi na kufuata miongozo ya kazi zao  ili kulinda haki na stahiki za watumishi walio chini yao.

Andengenye ametoa kauli hiyo alipozungumza na wafanyakazi wa Mkoa wa Kigoma  kwenye kwenye Hafla ya kilele cha maadhimisho ya Siku ya wafanyakazi Duniani (Mei Mosi) iliyofanyika kimkoa katika Halmashauri ya Mji Kasulu.

Amesema ni vizuri Menejimenti  za Taasisi zikajiwekea utaratibu wa kukutana na viongozi wa vyama huru vya wafanyakazi na kuweka mipango ya pamoja badala ya kuviona vyama hivyo kuwa ni maadui na kuvifanya kuwa daraja muhimu baina ya waajiri na waajiriwa.

Vyama vya wafanyakazi visibebe jukumu la kusimamia maslahi ya watumishi pekee bali vijikite pia katika kutoa Elimu ua kanuni na Sheria  kwa watumishi pekee bali vijikite pia katika kutoa Elimu ya Kanuni na Sheria  kwa watumishi  sambamba na kujenga utaratibu wa kukutana mara kwa mara na pande zote mbili yaani waajiri na waajiriwa ili kutatua changamoto zao.

‘’mitazamo ya kujikita upande mmoja imekuwa ikichangia sana kukuza migogoro baina ya watumishi na waajiri wao hali inayochangia uzoroteshaji wa matokeo chanya katika utendaji kazi na kushindwa kutoa huduma bora kwa wananchi’’ amesema.

Pia Andengenye amewataka watumishi kuendelea kupiga vita uvivu, rushwa, kuepuka vitendo vya utovu wa nidhamu, ubinafsi na kuongeza bidi na maarifa mapya katika utendaji kazi ili kuimarisha uchumi wao binafsi na maendeleo ya Taifa kwa ujumla.

Katika hatua nyingine, Andengenye amewasisitiza watumishi wa Uma mkoani Kigoma kuendelea kuziamini taasisi rasmi za kifedha kwa kujiimarisha kiuchumi na kutimiza malemgo yao kupitia mikopo inayotolewa na Taasisi hizo huku akiwataka watendaji katika Taasisi hizo kuendelea kupunguza riba za mikopo ili watumishi waweze kurejesha fedha wanazokopa kwa muda muafaka.

Sambamba na hayo, Mkuu huyo wa Mkoa amewakumbusha watendaji hao kuendelea kuwa mabalozi wazuri wa kuwaelimisha wananchi juu ya umuhimu wa kushiriki zoezi la uchaguzi wa Serikali za mitaa ikiwa ni pamoja na kuwahamasisha wananchi kugombea katika nyadhifa mbalimbali katika nafasi za uongozi.

Andengenye amewaasa watumishi kuendelea kufanya mapinduzi ya kifikra sambamba na kuongeza juhudi, nidhamu na maarifa katika utendaji kazi wao wa kila siku.

Akisoma risala  kwa  mgeni rasmi Katibu wa Shirikisho la Vyama vya wafanyakazi mkoa wa Kigoma Jumanne Hamis ametoa wito kwa wafanyajkazi wote nchini kuongeza juhudi katika kufanya kazi zao huku wakizingatia weledi.

Aidha kiongozi huyo ameiomba serikali kuwatazama upya baadhi ya wastaafu  kutokana na kulipwa kiasi cha fedha kisichoweza kukidhi mahitaji yao ya kimasisha, kushauriana na Taasisi za kibenki ili ziweze kupunguza riba katika mikopo wanayotoa kwa watumishi pamoja na kuchukua hatua kali kwa baadhi ya waajiri katika Taasisi binafsi kutokana na kushindwa kuzingatia sheria ya ulipaji wa mishahara kwa ngazi ya kima cha chini.

Kadhalika ametoa pongezi kwa Mhe. Rais Samia Suluhu kwa kupandisha madaraja ya mishahara  kwa watumishi wa Umma, kuondolewa kwa tozo ya Asilimia Sita kwenye mikopo ya Elimu ya Juu, kuongeza  umri wa wategemezi kutoka umri wa miaka 18 hadi 21.

Aidha pongezi hizo zimehusisha serikali kushughulikia  maslahi ya watumishi walioondolewa kazini kwa kugushi vyeti pamoja na kulipa madeni ya mishahara ya walimu.

Kupitia hotuba hiyo, Katibu huyo ameiomba serikali kurejesha kikokotoo cha Asilimia Hamsini kwa moja chini ya mia tano arobaini kwa mshahara wa mwisho badala ya kutumia mfumo wa kutafuta mshahara bora wa miaka mitatu ya utumishi.

Aidha ameiomba serikali kufuatilia utendaji kazi wa mifuko ya hifadhi ya jamii kutokana na kushindwa kutekeleza wajibu wao wa kisheria wa kufuatilia michango ya watumishi kwa waajiri na kusababisha changamoto na mgogoro mkubwa baina ya mwajiri na mwajiriwa.

Maadhimisho ya Sikukuu ya Mei Mosi kimkoa kwa mwaka 2024 yamefanyika katika Halmashauri ya Mji Kasulu  yakiwa na kaulimbiu isemayo ‘’Nyongeza ya Mishahara ni msingi wa kuongeza ufanisi na Tija katika utoaji wa Huduma na uzalishaji mali kwa ajili ya Maendeleo ya Jamii’’

UJENZI SHULE YA MSINGI MAHAHA KUWAONDOLEA ADHA WANAFUNZI KUTEMBEA KM 20

Ujenzi wa Shule ya Msingi Mahaha  umetajwa kuwaondolea adha ya kutembea zaidi ya Km. 20 wanafunzi kutoka Kitongoji cha Mahaha kilichopo kijiji cha Magalama Wilayani Kibondo Mkoani Kigoma. Baadhi ya wakazi katika kitongoji hicho wameishukuru Serikali ya Awamu ya Sita kwa kuwasogezea huduma hiyojirani kwani itaimarisha Usalama wa watoto wao kwenda na kurejea kutoka shule.

"Watoto wengi walikuwa watoro, wengine waliacha shule na hata baadhi ya wazazi kuhofia kuwaandikisha watoto Elimu awali na Msingi kutokana watoto hao kutomudu kutembea umbali huo pamoja na kuhofia  usalama wao wakiwa njiani kwani kuna nyakati hurejea nyumbani usiku au hunyeshewa na mvua" ameeleza Theresia Kanwa.

Akitoa Taarifa ya maendeleo ya ujenzi wa shule hiyo kwa Mkuu wa Mkoa wa Kigoma, kwa niaba ya Mkurugenzi wa Halmashauri hiyo Afisa Elimu Awali na Msingi Oliver Mgeni amesema Miundombinu imekamilika na kuanzia Januari 2024 itapokea wanafunzi  wa Elimu Awali na Msingi kuanzia Darasa la kwanza hadi la Saba.

Tunaishukuru serikali kupitia mradi wa BOOST kwa kutenga fedha kiasi cha Shilingi 361,500,000 ili kujenga Shule hii kwani watoto wote kutoka kitongoji cha Mahaha waliokuwa wakisoma katika kijiji cha Magalama watarejeshwa hapa ili wasome katika shule hii ya kisasa iliyojengwa jirani na makazi yao" amesema Oliver Mgeni kupitia taarifa hiyo

Baadhi ya wakazi katika kitongoji hicho wameishukuru Serikali ya Awamu ya Sita kwa kuwasogezea huduma hiyojirani kwani itaimarisha Usalama wa watoto wao kwenda na kurejea kutoka shule.

"Watoto wengi walikuwa watoro, wengine waliacha shule na hata baadhi ya wazazi kuhofia kuwaandikisha watoto Elimu awali na Msingi kutokana watoto hao kutomudu kutembea umbali huo pamoja na kuhofia  usalama wao wakiwa njiani kwani kuna nyakati hurejea nyumbani usiku au hunyeshewa na mvua" ameeleza Theresia Kanwa.

MSIWAANGAMIZE WATOTO WENU

 Mkuu wa mkoa wa kigoma Thobias Andengenye ametoa wito kwa wananchi wa jamii ya wafugaji na wanaojishughulisha na uchimbaji wa madini kutumia fursa ya uwepo wa miundimbinu bora ya elimu inayojengwa na serikali kuwasomesha watoto wao

Mkuu wa mkoa wa Kigoma Thobias Andengenye akizungumza na wananchi wa kata ya Nyamtukuza wilayani Kakonko na kusema elimu ndio dira itakayomsaidia mtoto kuyamudu mazingira anayoishi na kuacha kuwasomesha watoto ni kuaangamiza mustakabali wao maisha yao katika siku za usoni. 

KAULI YA Andengenye imekuja kufuatia serikali kujenga shule ya sekondari katika kitongoji cha LUTENGA katika wilaya ya KAKONKO mahali ambapo wengi wanaoishi hapo ni wafugaji na wachimbaji wa madini waliohamia miaka ya hivi karibuni.

Wakazi wa Lutenga kata Nyamtukuza wilayani Kakonko wakimsikiliza Mkuu wa mkoa wa Kigoma mara baada ya kutembelea na kukagua ujenzi wa shule ya sekondari katika kitongoji hicho.

Mkuu wa mkoa wa kigoma Thobias Andengenye akikagua maendeleo ya ujenzi wa shule ya sekondri katika kitongoji cha Lutenga

Wanafunzi wa maeneo hayo walikuwa wakisumbuka kutembea umbali wa zaid ya kilomita thelathini kufuata elimu ya sekondari katika kijiji cha Nyamtukuza na kusababisha wengine kukatiza masomo kwa kushindwa kumudu adha hiyo.

Mkurugenzi wa halmashauri ya Kakonko MHULI NDAKI akitoa taarifa ya ujenzi wa shule ya sekondari katika kitongoji cha Lutenga na kusema serikali imetoa jumala ya shilingi Bilioni moja na milioni mia mbili kwaajili ya ujenzi wa miundombinu ya afya, shule na soko katika kata ya nyamtukuza na utekelezaji wa miradi yote hiyo upo zaid ya asilimia tisini na kutarajiwa kukamilika mapema mwezi ujao

Kwa upande wao wananchi wa kata hiyo wameishukuru serikali kwa ujenzi wa miradi ya maendeleo katika eneo lao na kuwaondolea adha ya kusafiri kwenda wilaya Biharamulo mkoani Kagera kufuata huduma mbalimba za kijamii ilihali kiutawala wapo wilaya ya kakonko mkoani Kigoma

UKIHUJUMU MIUNDOMBINU YA UMMA HUMKOMOI KIONGOZI

Wanafunzi wa shule za msingi kutoka vitongoji vya NYAKASERO,  MURUGABA na MKUYUNI katika kijiji cha NYAMTUKUZA wilayani KAKONKO Mkoani KIGOMA wameondokana na adha ya kutembea umbali wa zaid ya kilomita kumi kwa miguu kufuata elimu katika shule ya msingi Nyamtukuza.

Kero hiyo imeondoka baada ya serikali kutoa Zaid ya shilingi milioni 360 kupitia mradi wa Boost kwajili ya ujenzi wa shule mpya ya mfano yenye viwango vya kimataifa ambayo tayari imekamilika kwa asilimia mia moja.

Shule hiyo yenye michoro, Bembeya na maeneo ya michezo kwaajili ya watoto wadogo inatajwa kuwa moja ya shule chache za msingi zenye viwango vya kimataifa zilizopo mkoani Kigoma na kutarajiwa kuanza kutumika januari mwakani.

Mkuu w mkoa wa kigoma Thobias Andengenye akikagua maendeleo ya ujenzi wa shule hiyo na kuwataka wananchi wa maeneo hayo kuwa walinzi wa kwanza wa kulinda miundoimbinu ya umma waliojengewa na serikali ili iweze kuwahudumia kwa muda mrefu

Andengeye akizungumza na wananchi wa kitongoji cha Murugamba na Nyakasero na kusisitiza kuwa serikali haitawafumbia macho watu watakao bainika kuihujumu miundombinu ya serikali na kama wenyeji wa maeneo  hayo wakifumbia macho na kutotoa taarifa ya ubadhirifu au wizi wa aina yoyote katika miundombinu inayowahudumia itawasababishia watoto wao kukosa huduma muhimu karibu na maeo yao

Mkurugenzi wa Halmashauri ya Kakonko MHULI NDAKI akimkaribisha mkuu wa mkoa wa Kigoma kukagua maendeleo ya ujenzi wa shule ya mfano na kusema licha ya mradi huo kutokuwa na gharama za ununuzi wa samani lakini ofisi yake imeshaweka utaratibu wa kuhakikisha shule hiyo inakuwa na samani za kisasa zenye hadhi sawa na majengo hayo

MAAFISA UTUMISHI WASIWE KIKWAZO KWA WATENDAJI

 

Mkuu wa mkoa wa Kigoma Thobias Andengenye amewataka wafanyakazi wa idara za utumishi mkoani humo kushughulikia changamoto za kiutumishi zinazowakabili wafanyakazi kwa wakati ili kuondoa manung'uniko yanayopunguza ari ya watendaji

Kauli ya Andengenye imekuja kufuatia baadhi ya watumishi wilayani Kakonko kulalamikia kutopandishwa madaraja kwa wakati na wengine wakiwa na madai ya mapunjo mishahara na posho za uhamisho kwa muda mrefu bila ya kuwa na majibu yanayojitosheleza

Watumishi hao wamesema licha ya kufuatilia changamoto hizo kwa muda mrefu katika mamlaka husika lakini hawajapata ufumbuzi na kumuomba mkuu wa mkoa huo aingilie kati kuwasaidia kupata haki zao

   ANASATZIA ATANASI- MUUGUZI NA RAHIM SWALEHE- AFISA MIFUGO

Kufuatia malalamiko hayo mkuu wa mkoa wa Kigoma Thobias Andengenye amewaagiza viongozi wa wilaya mkoani humo kuwawezesha na kuwasimamia mafias utumishi ili wawe mstari wa mbele kufuatilia ufumbuzi wa changamoto zinazowakabili watumishi

Andengenye amesisitiza kuwa ni jukumu la maafisa Utumishi kufuatilia stahiki za wafanyakazi badala ya watumishi kutumia muda mwingi kuto wahudumia wananchi na kuhangaika kutafuta haki zao katika mamlaka mbalimbali.

Andengenye ameanza leo ziara ya siku tisa kukagua maendeleo ya miradi ya maendeleo katika wilaya za Kakonko na Kibondo na kuzungumza na watumishi na wananchi katika maeneo atakayokagua miradi hiyo.

TAKWIMU NI MUHIMU, MKUU WA MKOA WA KIGOMA THOBIAS ANDENGENYE AKIZUNGUMZA NA WAANDISHI WA HABARI KUSISITIZA UMUHIMU WA TAFITI MBILI ZINAZOENDELEA KUFANYIKA MKOANI HUMO.

 Serikali imewataka wananchi kuwapa ushirikiano watafiti wa Ofisi ya Taifa ya Takwimu wanaozunguka katika maeneo mbalimbali nchini ili zipatikane tawimu sahihi zitakazoweza kutumika katika kufuatailia na kutathmini utekelezaji wa mipango na program za maendeleo katika ngazi ya taifa, kikanda na kimataifa.

Kauli hiyo ya serikali imekuja kufutia kuanza kwa tafiti mbili  katika sekta ya kilimo,  kiuchumi na kijamii katika mikoa yote ya TANZANIA Bara na ZANZIBAR zikilenga kubaini ufanisi wa program zilizopo na changamoto zinazowakabili wananchi katika sekta hizo

.Waafiti kutoka Ofisi ya Taifa ya Takwimu wamesema tafiti hizo tayari zimeanza kufanyika kuanzia tarehe tano novema ikihusisha mikoa yote  ya tanzania bara na visiwani ambapo jumla ya maeneo 1352, maeneo 1234 yapo Tanzania bara na maeneo 118 ni kutoka Zanzibar  kwa kuzihusisha kaya 16224, 14808 kutoka Tanzania bara na 1416 kutoka Tanzania Zanziba

    SUMA TEBELA, MENEJA WA NBS MKOA WA KIGOMA AKIWA NA  ENDREW PUNJIRA, AFISA MASOKO WA NBS WAKIZUNGUMZA NA WAANDISHI WA HABARI KUELEZEA MAENDELEA TAFITI ZILIZO ANZA KUFANYIKA NOVEMBA TANO MWAKA HUU NA KUTARAJIWA KUDUMU KWA KIPINDI CHA MIEZI MIWILI KATIKA MAENEO MBALIMBALI NCHINI

Watafiti hao kutoka ofisi ya taifa takwimu wamesema tafiti hizo ni muhimu kwa manufaa ya umma ambapo tafiti za kiuchumi na kijamii zitahusisha majengo na shughuli zote za kiuchumi zilizopo ilihali tafiti za kilimo zitahusisha mashamba makubwa na madogo katika kilimo na ufugaji.

ANDENGENYE AHIMIZA VITA DHIDI YA UJINGA, MARADHI NA UMASIKINI ILI KUFIKIA MAENDELEO ENDELEVU

Posted On: December 9th, 2023

Jamii mkoani Kigoma imetakiwa kuendelea kushirikiana na Serikali katika juhudi zake za kukabiliana na maadui Ujinga, Maradhi na Umasikini ili kuufanya Mkoa na Taifa kwa ujumla kuweza kuwa na Uchumi imara na kujitegemea.

Kauli  hiyo imetolewa na Mkuu wa Mkoa wa Kigoma Thobias Andengenye alipozungumza kwenye kilele cha Maadhimisho ya Miaka 62 ya Uhuru wa Tanzania Bara yaliyofanyika kimkoa katika Wilaya ya Kigoma, ambapo amesisitiza jamii kujenga tabia ya kufanya kazi kwa bidi ili kujiimarisha kiuchumi.

Amesema iwapo Jamii itafanikiwa kukabiliana na maadui hao watatu na kila mtu kutekeleza wajibu wake kwa ufasaha, kujituma pamoja na kudumisha amani na utulivu, uchumi wa mwananchi mmoja mmoja utazidi kuimarika na kulifanya  taifa kusonga mbele.

‘‘Mhe. Rais wa Jamhuri ya Muungano wa Tanzania Dkt. Samia Suluhu anaendelea kuendesha mapambano dhidi ya maadui hao kwa kuboresha miundombinu mbalimbali inayoleta ufanisi katika utoaji wa huduma za jamii pamoja na kufungua fursa mbalimbali za kiuchumi’’ amesema Andengenye.

Andengenye amesema mkoa wa Kigoma unajivunia mapinduzi makubwa ya Miundombinu yanayoendelea kufanyika ikiwemo ukarabati wa Uwanja wa Ndege, Ujenzi wa Barabara mbalimbali kwa kiwango cha Lami, mkoa kuunganishwa na Umeme wa Gridi ya Taifa, uboreshwaji mkubwa wa miundombinu ya kujifunzia na kufundishia, ujenzi wa vyuo vikuu pamoja na ujenzi wa Hospitali ya Kanda ya Magharibi unaotarajiwa kuanza hivi karibuni.

Aidha katika kutekeleza shughuli mbalimbali zinazokwenda sambamba na maadhimisho hayo, Mkuu huyo wa Mkoa amegawa miche zaidi ya 2000 ya zao la chikichi kwa wakazi wa Kata ya Machinjioni kisha kuhitimisha maadhimisho hayo kwa kushiriki kufanya usafi katika soko la Nazareti katika  Manispaa ya Kigoma Ujiji.

Upande wake Mkuu wa Wilaya ya Kigoma Salum Kalli amehimiza jamii wilayani humo kujenga Tabia ya kudumisha usafi ili kupunguza athari mbalimbali zinazoweza kusababishwa na maradhi na kupunguza nguvu kazi ya Taifa.

‘’Nashauri tabia hii ya kufanya usafi katika maeneo ya kutolea huduma za Umma na yale binafsi iwe endelevu,  tusisubiri mpaka tupewe shinikizo au kutokea matukio  bali tuifanye iwe tabia endelevu kwa usalama wa Afya zetu na wenzetu wanaotuzunguuka’’ amesema Kalli.

Maadhimisho hayo yametanguliwa na Mdahalo uliofanyika Desemba 8, 2023 uliolenga kuangazia mafanikio ya Miaka 62 ya Uhuru wa Tanzania Bara, uliofanyika katika Ukumbi wa Kigoma Social Hall Manispaa ya Kigoma Ujiji na kuongozwa na Mkuu wa Mkoa wa Kigoma.